Industrisamarbeid
Artikkel
|Sist endret
Kreftregisteret har ulike former for samarbeid med industri og helsenæring.
Kreftregisteret skal fremje og gje grunnlag for forsking på kreftdiagnosar, årsaker, naturleg forløp og effektar av behandling for kreft. Det er derfor viktig å leggje til rette for at helsenæringa kan bruke data som Kreftregisteret forvaltar.
Fyrst og fremst legg vi til rette ved å gjere data og informasjon tilgjengleg gjennom ulike kanalar (Statistikkbank og verktøy).
Ein del av interessa frå helsenæringa handlar om behandling med legemiddel og diagnostikk ved bruk av molekylære markørar (Opplysninger i databasen). For å betre kvaliteten (til dømes meir komplette data om legemiddelbruk) har vi sett i gang prosjektet INSPIRE, i samarbeid med industrien og andre aktørar.
Utover at data vert gjort tilgjengeleg via ulike kanalar, samarbeider Kreftregisteret med helsenæringa om konkrete forskingsprosjekt, både som oppdragsforsking og bidragsforsking. Nokre forskarar bidreg også i prosjekt som er drivne av helsenæringa.
Pågåande prosjekt i samarbeid med helsenæringa
|
Prosjekttittel |
Kontaktperson |
| INSPIRE | Lena Holmstrøm |
| LTFU2 (Langtidsoppfølging av deltakarar vaksinert med HPV-vaksinen Gardasil) | Thea E. Hetland Falkenthal |
| Kostnader i helsetenesta og behandlingsmønster hos pasientar med lokal, avansert og metastatisk ikkje-småcellet lungekreft | Espen Enerly |
| Kvinners livsstil og helse – Forskning på livsstil, virus og kreft | Ståle Nygård |
|
Prosjekttittel |
Kontaktperson |
| LTFU1 (Langtidsoppfølging av deltakarar vaksinert med HPV-vaksinen Gardasil) | Thea E. Hetland Falkenthal |
| Fører Gardasil til medfødde misdanningar? | Mari Nygård |
| Registerstudie av pasientar med lungekreft med tanke på bruk av tyrosin kinasehemmarar og EGFR-mutasjonsstatus | Tom Børge Johannesen |
Retningslinjer for samarbeid
Samarbeidet Kreftregisteret har med helsenæringa er lagt under ulike samarbeidsavtalar og retningslinjer, og i alle former for samarbeid legg vi vekt på prinsippa om å vera opne, gjennomsiktige og ha fagleg integritet for forskarane våre og andre tilsette. Sjå samarbeid og samhandling med private aktørar.
Tidlegare avtalar med Helse Sør-Aust og OUS:
- Samarbeidsavtale mellom Helse Sør-Aust RHF (helseregionen) og Legemiddelindustrien (LMI).
- Samarbeidsavtale mellom Helse Sør-Aust RHF (helseregionen) og LFH – Bransjeorganisasjonen for helse- og velferdsteknologi.
- Retningslinje OUS «Samhandling med industri».
- Retningslinje OUS «Samarbeid med industri i forskings-, innovasjons-, og utviklingsprosjekt».
*Avtalar om oppdrags- og bidragsforsking vart gjort av Inven2 på vegne av Kreftregisteret/OUS.