Kroniske sykdommer

Kjerneoppgåver/ansvarsområder

Hovudmålet er å produsera og formidla ny forskingsbasert kunnskap av høg kvalitet om utviklinga av kroniske sjukdommar, klargjera effektar av etablerte og nye risikofaktorar, og bruk av reseptbelagde legemiddel for å identifisera moglege område for førebygging og bidra til adekvat og sikker legemiddelbehandling. Me forskar hovudsakleg på kroniske sjukdommar som hjarte- og karsjukdommar, diabetes, lungesjukdommar og kroniske smerter, då desse tilstandane i stor grad bidreg til auka sjukdomsbyrde og for tidleg død i den norske befolkninga. I forskinga vår er me spesielt opptekne av førekomst av fleire ulike sjukdomar samstundes hjå same person (komorbiditet, multimorbiditet) inkludert samtidig bruk av fleire legemiddel (polyfarmasi). 

Ei satsing ved avdelinga er å undersøkja korleis koronapandemien kan ha påverka utviklinga av kroniske sjukdommar med tilhøyrande risikofaktorar. Satsinga inkluderer undersøkingar av tryggleik og biverknader av koronavaksinar. 

På oppdrag gjennomfører me også ikkje-intervenerande tryggingsstudiar «Post Authorization Safety studies» som er pålagde legemiddelfirma av legemiddelstyresmakter etter at legemiddel er marknadsførte og tekne i alminneleg bruk. Mange av prosjekta våre studerer betydninga av sosioøkonomiske forhold, kjønn og innvandrarbakgrunn.

Kompetanseprofil

Avdelinga har omkring 20 tilsette med tverrfagleg kompetanse innan epidemiologi, statistikk, legemiddelepidemiologi, medisin, farmasi, psykologi, ernæringsfysiologi, molekylærbiologi og idrettsvitskap. Me har god kunnskap om ulike befolknings-, og helseregister og befolkningsbaserte helseundersøkingar og dessutan høg kompetanse innanfor avanserte epidemiologiske og statistiske metodar, inkludert legemiddelepidemiologisk metode, der slike data blir nytta. Avdelinga vektlegg også ekspertise innanfor data management og personvern.  

Hovudleveransar og viktige samarbeidspartnare og brukarar

Avdelinga produserar og formidlar forskingsbasert kunnskap av høg kvalitet til helsestyresmaktene, helsevesenet og allmenta innanfor våre forskingsområde.

Forskinga blir formidla gjennom vitskaplege artiklar i nasjonale og internasjonale fagfellevurderte tidsskrift, vitskaplege foredrag, populærvitskaplege artiklar, nyheitssaker på nettsidene til Folkehelseinstituttet og i media. Forskingsbasert kunnskap blir også formidla direkte til Helse- og omsorgsdepartement og Helsedirektoratet.  Me bidreg til fleire kapittel i Folkehelserapporten som blir gitt ut av FHI, og me driv formidling gjennom fagmøte for ulike brukargrupper og .

Avdelinga legg stor vekt på samarbeid og kunnskapsdeling på tvers av fagområde. Alle forskingsprosjekta inkluderer derfor nasjonale og internasjonale samarbeidspartnarar. Me inkluderer også eit breitt spekter av brukargrupper for å auka relevansen og betydninga av forskinga vår for folkehelseområdet.

Nokre store prosjekt i avdelinga

• Molecular Mechanisms Associating Chronic Pain with Fatigue, Affective Disorders, Cardiovascular Disease and Total Comorbidity – PAINFACT
• Nordic and International Pregnancy Drug Safety Studies - NorPress/InPress
• Human Exposomic Determinants of Immune Mediated Diseases HEDIMED (hedimed.eu)
• A life-course approach to noncommunicable diseases in an ageing population- A life-course approach to noncommunicable diseases in an ageing population NCDNOR
• Preventing an opioid epidemic In Norway: Focusing on treatment of chronic pain POINT (med.uio.no)
• NCD indicator website with information on the status in Norway for the nine targets established by WHO to combat NCDs NCD indicator website