Avdeling
Livmorhalsavdelinga, Kreftregisteret
Livmorhalsavdelinga ved Kreftregisteret, FHI driftar livmorhalsprogrammet. Målet er redusera talet på tilfelle, og dødelegheita av livmorhalskreft og gi råd og informasjon til styresmakter og befolkninga om tiltak som kan førebyggja utvikling av livmorhalskreft.
Norske helsestyresmakter tilrår at alle kvinner mellom 25-69 år tek ei livmorhalsprøve kvart 5. år. Livmorhalsprogrammet sender ut påminning til kvinner i denne aldersgruppa når det er på tide å ta ny prøve eller når dei ikkje har fått oppfølging som tilrådd. Avdelinga driftar også HPV-heimetest, eit prosjekt der ein har som mål at heimetest skal kunna føra til at endå fleire tek screeningsprøver.
Livmorhalsavdelinga speler ei sentral rolle i organisering, implementering og evaluering av nasjonale screeningstiltak for livmorhalskreft i Noreg. Avdelinga jobbar også aktivt med å overvaka, analysera og rapportera data for å evaluera programeffektivitet, overvaka førekomsten av livmorhalskreft, og bidreg til utviklinga av retningslinjer for screening og førebygging av livmorhalskreft. Livmorhalsprogrammet er også involvert i fleire forskingsprosjekt relaterte til livmorhalskreft, og samarbeider med det medisinske fagmiljøet, både nasjonalt og internasjonalt.
