Barns helse og utvikling

Forskinga vår er særleg retta mot å forstå kva som bidreg til at nokre barn og unge utviklar psykiske plager og lidingar som angst, depresjon eller eteforstyrringar, eller får diagnosar som ADHD eller autisme. Me ser også på konsekvensar av ulike psykiske plager og lidingar på kort og lengre sikt. Avdelinga har ansvar for forskingsprosjekt om betydninga av forhold i barnehagen og tidlege skuleår for barns læring og utvikling. Me forskar også på konsekvensar av Covid-19 pandemien for den psykiske helsa, utviklinga og læringa til barna og unge.

Avdelinga har ansvar for å samordna nasjonal kunnskap om den psykiske helsa til barn og unge. Me skal skaffa kunnskap om årsaker til at psykiske plager og lidingar aukar blant ungdom i Noreg, om konsekvensar av denne auken, og om verksame tiltak. Dette gjer me på oppdrag frå Helse- og omsorgsdepartementet.  
Me har ansvar for fagleg utvikling av Den norske mor-, far- og barn undersøkinga (MoBa) og nyttar datakjelder som MoBa, registerdata og eigeninnsamla data i forskinga vår. Me nyttar avanserte statistiske metodar for å svara på forskingsspørsmåla våre. 

Forsking

• Betydninga av tidlege erfaringar i barnehage og skule for seinare utvikling og utdanning
• Språk og læring i barnehage og skule
• Tidlege symptom på ADHD og seinare diagnose
• Samanhengen mellom ADHD og andre psykiske plager
• Betydninga av psykofarmakologisk behandling og spesialpedagogiske tiltak for læring og skuleresultat hos barn med ADHD
• Eksponering for miljøgifter i svangerskapet og betydning for nevroutviklingstilstandar som ADHD og autisme hos barn
• Betydninga av eksponering for psykofarmaka i svangerskapet og barn si helse
• Endringar i psykisk helse hos barn og unge
• Årsaker til auke i psykiske plager og lidingar blant barn og ungdom i Noreg
• Betydninga av Covid-19 pandemien på psykisk helse (angst, depresjon, eteforstyrringar) hos unge
• Barnefattigdom og sosial ulikskap

Formidling

Forskinga vår blir publiserte i nasjonale og internasjonale vitskaplege tidsskrift. Me formidlar og kunnskap om helsa til barn og unge og oppvekst i Folkehelserapporten, i temarapportar, gjennom foredrag i ulike forum og i media. 

Avdelinga deltek i tverretatleg samarbeid om utsette barn og unge, der målet er betre samhandling og koordinering av tenester mellom sektorar for denne gruppa. Me er også involverte i internasjonalt samarbeid i EU om betre psykisk helse for barn og unge i Europa.