Om den grossistbaserte legemiddelforbruksstatistikken
Artikkel
|Sist endret
Grossistbasert legemiddelstatistikk byggjer på data om sal av legemiddel frå grossist til apotek, helseinstitusjonar, daglegvarehandel, kiosk og bensinstasjonar. Statistikken omfattar alt sal av legemiddel, både reseptfrie og reseptpliktige, samt legemiddel til dyr.
Legemiddelstatistikk basert på sal frå grossist har vore tilgjengeleg sidan 1970-åra og gir ei totaloversikt over utviklinga i omsetninga av legemiddel.
Formålet med grossistbasert legemiddelstatistikk
Formålet med statistikken er å kartleggje den totale omsetninga av legemiddel i Noreg. Opplysningane kan nyttast til forsking på legemiddelområdet og av helsestyresmaktene i overordna planlegging og styring av legemiddelområdet. Statistikken er heimla i forskrift.
Opplysningar som blir samla inn for grossistbasert legemiddelstatistikk
- Legemiddel: varenummer, tal på pakningar, pris til grossist (GIP), pris frå grossist (AIP)
- Kundenummer: grossistane sine interne kundenummer, kundenamn og kommune. Daglegvaregrossistar rapporterer berre på kommunenivå.
- Apotek: konsesjonsnummer, kommune
- Grossist: konsesjonsnummer
Innrapporteringa er elektronisk og skjer månadleg, bortsett frå enkelte grossistar som rapporterer ein gong årleg.
Statistikkbank for grossistbasert legemiddelstatistikk
Data frå grossistbasert legemiddelstatistikk er opent tilgjengeleg i FHI Statistikk, og inkluderer salstal tilbake til 1999. Statistikken blir vist fordelt på ATC-kodar og forbruket målt i antal definerte døgndosar (DDD)/1000 innbyggjarar/døgn og antal DDD.
Tidlegare blei tal frå grossistbasert legemiddelstatistikk publisert i den årlege rapporten Legemiddelforbruket i Noreg. Dei gamle rapportane er tilgjengelege på FHI si nettside om legemiddelbruk og finst på norsk/engelsk.
Utlevering av data om grossistbasert legemiddelforbruk
Forskarar kan søke om utlevering av meir detaljerte data frå grossistbasert legemiddelstatistikk. Forskingsprosjektet må liggje innanfor formålet med statistikken.
- Skjema for tilgang til grossistbasert legemiddelstatistikk
- Skildring av variablar i grossistbasert legemiddelstatistikk (xls) (xls)
Søknader blir behandla individuelt. For kostnader, sjå søknadsskjema.