Bibliotek

Biblioteket leverer òg bibliotektenester til andre etatar i den sentrale helseforvaltninga:

• Helsedirektoratet
• Direktoratet for medisinske produkter
• Direktoratet for strålevern og atomsikkerhet
• Statens helsetilsyn

Avdelinga inkluderer i tillegg Rusfagsbiblioteket, eit tilbod primært for kommunane og dei regionale kompetansesentera på rusfeltet.

Ei hovudoppgåve for Biblioteket er å utføre oppdrag innan systematisk litteratursøking for å finne publisert forsking om ei problemstilling. Å ta utgangspunkt i etablert kunnskap gjev eit godt grunnlag for vidare forsking. Systematisk søking krev grundig metodekompetanse og gode rutinar for dokumentasjon og rapportering. Ofte samarbeider søkespesialistane i Biblioteket aktivt med prosjektgrupper som til dømes skal utarbeide systematiske oversikter.

Forskingsstøtte frå Biblioteket:

• Planlegg, gjennomfører og dokumenterer systematiske litteratursøk
• Sørger for tilgang til databasar for å finne publisert forsking
• Referansehandtering: opplæring og brukarstøtte på EndNote
• Kvalitetskontroll av referansar før publisering
• Publiseringsprosessen: rettleiar forskarar om krav og retningslinjer i samband med Open Access
• Ansvar for at forskingsaktiviteten ved FHI, både publikasjonar og prosjekt, vert synlege i Cristin
• Ansvar for årleg godkjenning og rapportering av vitskapeleg publisering, som vert del av offisiell norsk publiseringsstatistikk
• Ansvar for FHI sitt opne vitenarkiv. Dette inneheld forskingsresultat i fulltekst frå forfattarar som høyrer til FHI
• Ansvar for å utarbeide ein årleg bibliometrisk analyse av vitskapeleg publisering ved FHI
• Sørger for tilgang til fulltekstinnhald i e-tidsskrift ved å forvalte avtalar med forlag
• Skaffar faglitteratur: tilsette kan bestille artiklar og bøker frå Biblioteket

• Sjå Biblioteket sine nettsider