Anbefaler ny HPV-test til 576 kvinner
Melding
|Publisert
Avdeling for patologi ved Oslo universitetssjukehus har oppdaga og retta opp ein teknisk feil med eitt av dei to instrumenta dei har for HPV-testing. Kvinnene som kan ha fått usikre prøvesvar er allereie kontakta, og har fått tilbod om ny test.
Denne meldingen er eldre enn 30 dager og informasjonen kan være utdatert
Ta meg til forsidenFeilen varte i ein periode frå februar 2023 til mars 2025.
OUS har gjennomført omfattande og systematiske kontrollar av alle analysar på dette instrumentet i den aktuelle tidsperioden og identifisert 576 prøver som kan ha usikre resultat. Dette utgjer 1 % av den totale mengda (57 502) prøver som er analyserte på dette instrumentet i den aktuelle perioden.
Avdelinga kan ikkje sikkert utelukke falskt negativt/positivt resultat i desse prøvene. Det er ikkje venta alvorlege konsekvensar for dei råka kvinnene, men vi tilbyr og tilrår likevel at kvinnene tek ein ekstra HPV-test.
Brev til råka kvinner
Alle råka kvinner med usikre resultat, og alle råka helsepersonell, har fått tilsendt brev og utfyllande svarrapport med tilråding og tilbod om ny HPV-test.
Kvinner som ikkje har fått dette brevet eller vorte direkte kontakta av helsepersonell, er ikkje råka. Det blir tilrådd at dei følgjer planlagde kontrollar i samsvar med Livmorhalsprogrammet.