Ikkje et rå østers og andre rå skjel frå Oslofjorden og kysten av Telemark og Sørlandet
Mattilsynet åtvarar mot å ete rå østers fanga i Oslofjorden*) og ved kysten av Telemark og Sørlandet. Grunnen er risiko for å bli smitta med ein vibriobakterie som kan komme inn i østers og andre skjel.
Publisert
I juli 2018 har Folkehelseinstituttet blitt informert om fire personar med Vibrio vulnificus-infeksjon som blei alvorleg sjuke etter bading i Oslofjorden. Smitteoverføringa skjer oftast gjennom sår ved bading, men i sjeldne tilfelle kan vibriobakteriar også smitte ved at ein et skjel som ikkje er varmebehandla.
Sjølv om det ikkje er påvist slik smitte frå skjel i Noreg, åtvarar Mattilsynet som eit føre-var-prinsipp om å ikkje ete rå østers frå Oslofjorden*) og kysten av Telemark og Sørlandet på grunn av oppvekst av vibriobakteriar.
*) Med Oslofjorden meines her kystlina til fylka Oslo, Østfold, Akershus, Buskerud, og Vestfold.
Meir informasjon frå Mattilsynet: Ikke spis rå østers fra Oslofjorden, kysten av Telemark og Sørlandet.
Høy badevannstemperatur i Sør-Norge: Fire smittet med vibriobakterie etter sjøbad
- Relaterte saker