Hopp til innhold
Historisk arkiv: Dette innholdet er arkivert og blir ikke oppdatert.
Lukk

Få varsel ved oppdateringer av «Nye tilfelle i yersiniose-utbrotet »

Hvor ofte ønsker du å motta varsler fra fhi.no? (Gjelder alle dine varsler)

E-postadressen du registrerer her vil kun bli brukt til å sende ut nyhetsvarsler du har bedt om. Du kan når som helst avslutte dine varsler og slette din e-post adresse ved å følge lenken i varslene du mottar.
Les mer om personvern på fhi.no

Du har meldt deg på nyhetsvarsel for:

  • Nye tilfelle i yersiniose-utbrotet

Oops, noe gikk galt...

... ta kontakt med nettredaksjon@fhi.no.

... last inn siden på nytt og prøv igjen.

Nyhet

Nye tilfelle i yersiniose-utbrotet

Publisert Oppdatert

Referanselaboratoriet ved Folkehelseinstituttet har sidan februar påvist identisk stamme av Yersinia enterocolitica O:9 hos 20 pasientar busett over heile landet. Intervju av sjuke personar gav i førre veke mistanke til ei spesiell salatblanding som blei trekt frå marknaden fredag.

Referanselaboratoriet ved Folkehelseinstituttet har sidan februar påvist identisk stamme av Yersinia enterocolitica O:9 hos 20 pasientar busett over heile landet. Intervju av sjuke personar gav i førre veke mistanke til ei spesiell salatblanding som blei trekt frå marknaden fredag.


Denne nyheten er eldre enn 30 dager og informasjonen kan være utdatert
Ta meg til forsiden

Yersinia.jpg

Vidare undersøkingar har gitt mistanke til fleire ferdig oppskorne salatblandingar kjøpte i butikk. Foreløpige undersøkingar utførte ved Veterinærinstituttet, styrkjer denne mistanken. Produsenten trekkjer derfor ytterlegare ni salatblandingar frå marknaden. Mattilsynet tilrår forbrukarar å ikkje ete desse salatblandingane. Folkehelseinstituttet held fram etterforskinga i samarbeid med Mattilsynet og Veterinærinstituttet.

Om sjukdommen

Kvart år blir det meldt 50-100 tilfelle av yersinose til Folkehelseinstituttet. Dei fleste tilfella opptrer enkeltvis, og fleire tilfelle med felles kjelde opptrer sjeldan i Noreg.

Yersiniabakterien smittar i hovudsak gjennom mat, men kan i sjeldne tilfelle også smitte frå person til person. Dei vanlegaste symptoma er diaré, feber og magesmerter, som varer vanlegvis i 1-3 veker. Sjukdommen går i dei fleste tilfella over av seg sjølv.

For å unngå å smitte andre er det viktig at personar med diaré er nøye med handvask etter toalettbesøk og før matlaging.

Førebyggjande tiltak

Generelle førebyggjande tiltak for å unngå smitte med Yersiniabakterien er: 

  • gjennomsteike eller gjennomkoke svinekjøtt og farsemat laga av svin 
  • unngå å smake på rått kjøtt, kjøttdeig eller farse 
  • vaske grønsaker 
  • unngå ikkje-desinfisert drikkevatn 
  • vaske hender etter toalettbesøk, etter kontakt med dyr og før matlaging og måltider 
  • vaske knivar, skjerefjøler og kjøkkenutstyr som er blitt forureina av råvarer, særleg svinekjøtt