Hopp til innhold
Historisk arkiv: Dette innholdet er arkivert og blir ikke oppdatert.

Dearvvasvuođabusse lea mátkkošteamen

Publisert Oppdatert


Sámi dearvvašvuodadutkama guovddáš ja Folkehelseinstituttet álggahit dál dearvvasvuoda- ja eallindilleiskkadeami guovlluin gos ásset sápmelaccat ja dážat Romssas. Das geavahuvvo sierra gálvostuvvon busse, gos fállo nuvttá dearvvasvuodaiskan.


  • Relaterte saker


Mii sáddet rávkama ja gažadanskovi juohkehažžii riegádan 1925 rájes 1967 rádjai ja juohkehažžii riegádan 1973, guovlluin gos ásset sihke sápmelaččat ja dážat. Oktiibuot fállo 6700 olbmui nuvttá iskot dihto dávddaid ektui. Dát iskan geavvá busses gos dearvvasvuođabargit váldet varraiskosa, varradeattu ja mihtidit allodaga, deattu ja seakkáža. Oasálastit ožžot maŋŋil dáid bohtosiid poasttas.

Vuosttas bisánanbáiki lea Gáivuotna, gos busse orusta 20.05. rájes 10.06.rádjai. Dasto johtit Návutnii, Omasvutnii, Ivgui jna (geahča mátki vuolemuččas).

Dearvvasvuođa- ja eallindilleiskkadeami ulbmil lea:

- iskat leatgo olbmuin dihto dávddat, dahje leago sis várra daid oažžut.

- kártet ja oažžut ođđa dieđuid dearvvasvuođa, dávddaid ja eallindiliid birra daid guovlluin gos ásset sihke sápmelaččat ja dážat.

- ráhkadit várdosa fylkka ássiid dearvvasvuođas. Dát bidjá juohke gildii buoret vuođu plánet boahttevaš dearvvasvuođabálvalusa.

Iskkadeami gažadanskoviin leat gažaldagat givssideami, alkohola, snuvssa ja borgguheami, dálkasiid ja dearvvasvuođafálaldagaid geavaheami, vahágiid/lihkohisvuođaid, bearaš- ja gielladuogáža, bargoeallima ja ruhtadili birra. Dasto jearrat du dearvvasvuođa, bearraša dávddaid, fysalaš lihkadeami barggus ja astoáiggis, bajásšaddama ja gullevašvuođa, bearraša ja ustibiid birra. Loahpas jearrat eallindili, árvvuid ja olu biepmu birra.

Oktavuođat:

Busses: Ossodatbuohccidivššár Lene Gustavsen tlf. 99 23 06 02. Son sáhttá vástidit das mii busses geavvá. Eanet medisinnalaš gažaldagaid, ovddeš bohtosiid ja sullasaččaid birra sáhttá jearrat eará oktavuođaolbmuin.

Romssa universitehta/Sámi dearvvašvuođadutkama guovddáš: Professor Eiliv Lund, tlf. 77 64 48 45 (njuolgga), e-poasta: eiliv.lund@ism.uit.no , dahje oss. jođ. Ragnhild Vassvik Kalstad, tlf. 78 46 89 00 (bargu), e-poasta: ragnhild.kalstad@ism.uit.no

Folkehelseinstituttet: Dutki Randi Selmer, tlf. 21 07 82 15 (njuolgga) 21 07 70 00 (guovddáš), e-poasta. Randi.selmer@fhi.no

Mátkkošteapmi:

Gáivuotna 20.05-10.06
Návuotna 12.06-23.06
Omasvuotna geassemánnu/borgemánnu
Ivgu borgemánnu/čakčamánnu
Loabát čakčamánnu
Skánit golggotmánnu